मेट्रो विस्तारीकरणासाठी लागणार १२, ६८३ कोटी

NewsZenn May 15, 2023 548 0

वनाज ते चांदणी चौक, रामवाडी ते वाघोली आणि खडकवासला ते खराडी या मेट्रोच्या विस्तारीकरणाच्या डीपीआरला महापालिका प्रशासनाने तत्त्वतः मान्यता दिली आहे. वनाज ते चांदणी चौक १.२ किमी आणि रामवाडी ते वाघोली ११.६३ किमी यासाठी सुमारे ३ हजार ६०९ कोटी, खडकवासला ते खराडी २५.८६ किमी आणि पौड फाटा ते माणिकबाग ६.११ किमी या मेट्रो मार्गासाठी ९ हजार ०७४ कोटी खर्च येणार आहे. त्यामुळे या दोन्ही मार्गांसाठी एकूण १२ हजार ६८३ कोटी रुपये खर्च अपेक्षित आहे.

सध्या वनाज ते रामवाडी या दरम्यान मेट्रो सेवा अंशत: सुरू झालेली असली, तरी या मार्गावरील उर्वरित काम अंतिम टप्प्यात आहे. हा मार्ग वनाजपासून ते चांदणी चौकापर्यंत असा १.२ किलोमीटर आणि रामवाडीपासून वाघोलीपर्यंत ११.६३ किलोमीटरपर्यंत वाढवला जाणार आहे.

महामेट्रोकडे कर्जाची जबाबदारी
केंद्र व राज्याकडून प्रत्येकी २० टक्के रक्कम दिली जाणार आहे. उर्वरित ६० टक्के रक्कम ही वित्तीय संस्थांकडून कर्जाच्या स्वरुपात उभारली जाईल.
या कर्जाची जबाबदारी महामेट्रोकडे असणार असून, महापालिकेला खर्च करावा लागणार नाही. केवळ भूसंपादनासाठी दोन्ही मार्गासाठी प्रत्येकी २४ लाख आणि ६.७७ कोटी असे महापालिकेला द्यावे लागणार आहेत.

राज्य आणि केंद्राकडे जाणार हा प्रस्ताव
मेट्रोच्या विस्तारीकरणाचा डीपीआर पालिकेचा डीपी सेल, लेखा व वित्त विभाग, मालमत्ता विभाग, बांधकाम परवाना विभाग, शहर अभियंता कार्यालय, दक्षता विभाग, अतिरिक्त आयुक्त कार्यालयामार्फत आयुक्तांकडे मान्यतेसाठी येणार आहे. त्यानंतर स्थायी समिती व सर्वसाधारण सभेमार्फत हा प्रस्ताव राज्य, केंद्राकडे पाठवला जाणार आहे.

Click Here To See More