पुण्यात मध्यरात्री घडली थरारक घटना

NewsZenn Aug 12, 2022 1016 0

पुण्यात मध्य रात्री पावणे दोन वाजेच्या सुमारास मोठी घटना घडली. मुठा नदीची पातळी अचानक वाढल्याने नदीपात्रातील रस्त्यावरून जाणारी कार पाण्यात वाहून जाऊ लागली. या कारमध्ये ५ जण होते. कार वाहून जात असल्याची माहिती अग्निशमन दलाला कळवण्याती. अग्निश्मन दलाच्या पथकाने तातडीने धाव घेत. कारमधील सर्व ५ जणांना वाचवण्यात आले.

काय घडलं नेमकं?
मध्यरात्री जवळपास २ वाजेच्या सुमारास एस. एम. जोशी पुलाखाली नदीपात्रात वाढलेल्या पाण्यात एक कार वाहून जात होती. यावेळी अग्निशमन दलाच्या जवानांनी रस्सी, लाइफ जॅकेट वापरत कारमध्ये अडकलेल्या २ महिला आणि ३ पुरुषांची सुखरुप सुटका केली. अग्निशमन अधिकारी राजेश जगताप, चालक ज्ञानेश्वर खेडेकर व जवान किशीर बने, दिलीप घडशी, संदिप कार्ले यांनी विषेश कामगिरी बजावली.

एस. एम. जोशी पुलाखालील नदी पात्राच्या रस्त्यावर एक कार पाण्यात वाहून जात असल्याची वर्दी रात्री १ वाजून ४६ मिनिटांनी मिळाली. यानंतर एरऺडवणा येथील अग्निशमन केंद्राची मदत पोहोचली. अग्निशमन दलाच्या जवानांनी रोप, लाइफ जॅकेटच्या सहाय्या नदी पात्रात उतरून टाटा टिगोरो (MH 48 6151) या कारजवळ जाऊन त्यातील भेदरलेल्या अवस्थेत अडकलेल्या ५ जणांना सुखरूप बाहेर काढले.

कारमधील ५ जण हे मूळचे पालघरचे आहेत. ते पुण्यात नातेवाईकांकडे आले होते आणि रजपूत विटभट्टीकडून कारमध्ये पात्रातील रस्त्याने जात होते. धरणातून नदीपात्रात होणारा पाण्याचा विसर्ग खूप मोठ्या प्रमाणावर असल्याने कार वाहून जात गरवारे पूलाखाली अडकली होती. अग्निशमन दलाच्या जवानांनी त्वरित समयसूचकता दाखवत कारजवळ पोहोचले आणि सर्वांना सुरक्षित बाहेर काढले.

वाचवण्यात आलेल्यांची नावे
१. वऺचिका लाल वाणी ( वय १३ )
२. प्रिया लाल वाणी ( वय २२ )
३. कुणाल लाल वाणी ( वय २८)
४. कपिल लाल वाणी ( वय २१ )
५. कृष्णा लाल वाणी ( वय ०८ ) यांची सुखरूप सुटका करण्यात आली. या कामगिरीमध्ये एरऺडवणा, जनता वसाहतच्या अग्निशमन दलाची आणि सेंट्रल फायर स्टेशन रेस्क्यू व्हॅनची मदत झाली.

Click Here To See More