पिंपरी-चिंचवडमध्ये महाराष्ट्र बंदला प्रतिसाद

NewsZenn Oct 11, 2021 738 0

पिंपरी : उत्तर प्रदेशातील लखीमपूर खेरी येथे घडलेल्या हिंसाचाराच्या निषेधार्थ महाविकास आघाडी सरकार आज महाराष्ट्र्र बंदची हाक दिली आहे. राष्ट्रवादी आणि काँग्रेसने अर्थात महाविकास आघाडीने पुकारलेल्या बंदला पिंपरी-चिंचवडमधील नागरिकांनी चांगला प्रतिसाद दिला. या बंदमधून अत्यावश्यक सेवा वगळण्यात आल्या आहेत.

पिंपरी चिंचवड शहरात ठिकठिकाणी पोलीस बंदोबस्त लावण्यात आला आहे. पिंपरी, चिंचवड, निगडी, चाकण, भोसरी तसेच शहरातील महत्त्वाच्या ठिकाणांवर पोलिसांच्या फौजफाटा तैनात आहे. महाराष्ट्र बंदच्या पार्श्वभूमीवर शहरात कुठेही हिंसाचार होऊन बंदला गालबोट लागणार नाही याची पुरेपूर पोलीस काळजी घेत आहे.

महाविकास आघाडीमधील सर्व घटकपक्षांच्या पिंपरी चिंचवड शहरातील पदाधिकाऱ्यांनी सर्व व्यावसायिक, व्यापारी, शेतकरी, हॉटेल व्यावसायिक, उद्योजक, विविध संस्थाचे प्रमुख यांनी आपले व्यवसाय बंद ठेऊन बंदमध्ये सहभागी व्हावे असे आवाहन केले आहे. राज्य स्तरावर देखील शिवसेना, राष्ट्रवादी आणि काँग्रेसच्या वतीने पत्रकार परिषद घेऊन महाराष्ट्र बंदची घोषणा करण्यात आली होती.

पिंपरी चिंचवड शहरातील पीएमपीएमएल बस सेवा बंद आहे. ही सेवा आज दुपारपर्यंत बंद राहणार असल्याचे पीएमपीएमएलच्या सूत्रांनी सांगितले. दरम्यान शहरातील काही दुकाने बंद आहेत. काही दुकाने अर्ध्या शटरने सुरू आहेत. तर काही दुकाने पूर्णपणे सुरू आहेत. खासगी वाहनामधून नागरिक नियमितपणे प्रवास करताना दिसत आहेत.

Click Here To See More