Shivrajyabhishek Sohala Raigad | रायगडावर ५ व ६ जूनला भव्य शिवराज्याभिषेक सोहळा

NewsZenn Jun 3, 2026 17 0

पिंपरी चिंचवड : शिवराज्याभिषेक सोहळा भारताचा पहिला स्वातंत्र्यदिन ६ जून 'लोकोत्सव' 'धार तलवारीची, युद्धकला महाराष्ट्राची', 'जागर शिवशाहीरांचा.. स्वराज्याच्या इतिहासाचा' व 'सोहळा पालखीचा, स्वराज्याच्या ऐक्याचा' ठरणार मुख्य आकर्षण ऐतिहासिक सोहळ्याचे साक्षीदार व्हा

'राज्याभिषेक' शिवछत्रपतींच्या कर्तृत्त्वाचे सुवर्णपान, यवनी सत्तांच्या अत्याचारातून महाराष्ट्रभूमीला स्वातंत्र्याचा हुंकार देणार हा क्षण, शिवरायांच्या प्रेरणेने मर्द मराठ्यांच्या तलवारी याच मातीत तळपल्या आणि स्वराज्याचे स्वप्न साकार झाले. हजारो मावळ्यांच्या, सर्वसामान्यांच्या बलिदानातून महाराष्ट्रभूमी पावन झाली. दुर्गराज रायगडावर शिवरायांचा ६ जून १६७४ ला 'राज्याभिषेक' झाला. मोठ्या थाटामाटात राज्याभिषेकाचा सोहळा पार पडला अन् सार्वभौम राज्य स्थापन झाल्याची द्वाही दाहीदिशा फिरली. या ऐतिहासिक क्षणाची स्मृती सदैव राहावी, या हेतूने प्रतिवर्षी ६ जून रोजी दुर्गराज रायगडावर भव्य प्रमाणात शिवराज्याभिषेक सोहळ्याचे आयोजन करण्यात येते.

अखिल भारतीय शिवराज्याभिषेक महोत्सव समितीतर्फे दुर्गराज रायगडावर ५ व ६ जून २०२६ रोजी शिवराज्याभिषेक सोहळा समितीचे मार्गदर्शक युवराज संभाजी छत्रपती महाराज व युवराजकुमार शहाजीराजे छत्रपती यांच्या प्रमुख उपस्थितीत साजरा होत आहे.

कार्यक्रमाची रुपरेषा अशी :

शिवराज्याभिषेक सोहळा | जागर शौर्य भक्तीचा !

शुक्रवार, दि. ५ जून २०२६

दुपारी ०३.३० वा. राजमाता जिजाऊ साहेब यांच्या समाधीस अभिवादन करून शिवराज्याभिषेक सोहळ्यास प्रारंभ (जिजाऊ समाधी स्थळ, पाचाड)

दुपारी ४.०० वा. युवराज संभाजी छत्रपती महाराज व युवराजकुमार शहाजीराजे छत्रपती यांचे भव्य स्वागत व शिवभक्तांच्या समवेत पायी गड चढण्यास प्रारंभ (स्थळ नाणे दरवाजा)

दुपारी ४.१५ वा. गडपूजन अखिल भारतीय शिवराज्याभिषेक महोत्सव समिती व रायगड जिल्हा प्रशासन यांच्या उपस्थितीत, (स्थळः नगारखाना)

दुपारी ४.३० वा. युवराजी संयोगीताराजे छत्रपती महाराज यांच्या हस्ते 'धार तलवारीची.. युद्धकला महाराष्ट्राची... युद्धकलेच्या प्रात्यक्षिकास प्रारंभ (स्थळः होळीचा माळ)

सायं. ७.०० वा. ढोलवादन, लेझीम प्रात्यक्षिके व वारकरी संप्रदायाकडून टाळ मृदंगाचा गजर. (स्थळः होळीचा माळ)

रात्री ८.०० वा. - जागर शिवशाहिरांचा.. स्वराज्याच्या इतिहासाचा... (स्थळः राजसदर)

रात्री ९.०० वा. गडदेवता शिरकाई देवीचा गोंधळ (स्थळ: शिरकाई मंदिर)

रात्री ९.३० वा. वारकरी संप्रदायाकडून कीर्तन व भजन (स्थळः जगदीश्वर मंदिर)

शनिवार, दि. ६ जून २०२६

सकाळी ७.०० वा. युवराजकुमार शहाजीराजे छत्रपती यांचे शुभहस्ते पारंपारिक वाद्यांच्या गजरात ध्वजपूजन व ध्वजारोहण (स्थळः नगारखाना)

शाहिरी कार्यक्रम (स्थळः राजसदर) सकाळी ७.३० वा.

सकाळी ९.३० वा. श्री शिवछत्रपती महाराजांच्या पालखीचे राजसदरेवर आगमन

सकाळी ९.५० वा. - युवराज संभाजी छत्रपती महाराज व युवराजकुमार शहाजीराजे छत्रपती यांचे राजसदरेवर आगमन

सकाळी १०.०० वा. - युवराज संभाजी छत्रपती महाराज यांच्या शुभहस्ते श्री शिवछत्रपती महाराजांच्या उत्सवमूर्तीस अभिषेक, श्री शिवछत्रपती महाराजांच्या राजसदरेवरील सिंहासनारूढ मूर्तीस सुवर्ण मुद्रांचा अभिषेक

सकाळी १०.२० वा. - युवराज संभाजी छत्रपती महाराज यांचे शिवभक्तांना संबोधन

सकाळी १०.३० वा. 'सोहळा पालखीचा, स्वराज्याच्या ऐक्याचा शिवराज्याभिषेक' पालखी सोहळ्यास प्रारंभ

सकाळी ११.०० वा. श्री शिवछत्रपती महाराजांच्या पालखीचे जगदीश्वर मंदिर येथे आगमन

दुपारी १२.०० वा. श्री शिवछत्रपती महाराजांच्या पालखीचे जगदीश्वर मंदिर येथे आगमन

दुपारी १२:१५ वा. युवराज संभाजी छत्रपती महाराज यांच्याकडून वारकरी संप्रदायास पंढरीच्या वारीसाठी मानाचा ध्वज प्रदान (स्थळः जगदीश्वर मंदिर)

दुपारी १२.२५ वा. - श्री शिवछत्रपती महाराजांच्या समाधीस अभिवादन !